هــانز ابراهيـم حنـا - حقوق الاقباط

كلمة حق ياخلق فى عصر الحق فيه مهضــــــوم
كلمة حق ياناس فى عالـــم باطل كله سمـــــــوم
جرنـــان ومـــجله وقلــم وكتــــــــاب
أما المـــــــاده كـــــلام فـــى كــــــلام
كبابجى بينتج فيلم ...وطرشجى بيكتب مقال
وجحــــــــا يـــاعـــالــــم بقـــى فنــــــــــان

----------

مصر ياناس..مصر ياعالــم ..ومصرى أنا ..وإنسان
مصر اللى كانت ترسم الخطوه فى ليـــل العميانييـــن
مصر اللـــى كانــت تـــحييـــي روح الـــمـــيتيـــــــن
مصر اللـــى كـــانــت لدمـــعة غريــــــب منـــديــــل
مصر اللى كانـت اللقمه ..والغطا..والستر الحصيـــن
مصر النــــــهارده بـــتـــصــــــــرخ م الأنيــــــــــن
مصـر مـــش محتــاجـــه المعتقــل والســـجانـــين
----------
عينـــــى عليكـــى يا مصــر
عينى عليكــــى يامصــر...وإنتى جوه جوف المقتوليـن
عينى عليكى يامصر وكلمة الحق فيكى زى سيف القتاليـن
العيــون فى الظلم نامت ...واللســــان أخرس وساكـت
والمشكلـــــــــــــه كلهــــــــا فى كلمتيــــن
الظلـم عمـره مايمسح دمعتى...والسكوت مايحل أبدا قضيتى
حتــى لـــو قطعـوا اللســان ..عمرى أبـــدآ ماهاكون جبـــان
----------
جــــوه قلبـــك يا مصر أقبـــاط ماســـكين الشموع
جـوه قلبك يامصر المقتوليـن بيسألوكى بالدمـــوع
ليــه كلمـــة الحـــــق مـــا عــــادت تــــتسمــــــع
وليــــــه الـــقلــــــــب مــــات فـــى الضــــــلـوع
ليــــــــه لســـــه باحبــــــــــك يامصـــــــــــــــر
وليــــــه إنطفـــــــت فيكــــــــى الشمــــــــــــوع
ليــــــــه لســـــه باحبــــــــــك يامصـــــــــــــــر
وليــــــه إنطفـــــــت فيكــــــــى الشمــــــــــــوع
----------
بالحب جيتللك يا مصـــر لجل ماكدب إللى قال إن مصر بقت حرافيش
جيــتلك وفـاكر أن محمـود لسه بيحب جرجس... وحنــا زى درويــش
طلعـــت وسألت كلمـــــــــــــة حـــق ....قالولى يجبــــر بخــــاطـرك
ســألت يا مصـــرطـــــــــــب فيــن الضميــر ؟؟؟,,, ماجــــاوبتنيـــش
لقيـــت عصــابه جــايه بيتــى ..والأسم أمن دولـه ولجان تفــــــتيش
فاكرينـى م الموسـاد.....قفلــت بــــــــاب بيتـى وقفــلت حتى الشـيش
خبيـــنى يـــا مصــر ف صـــدرك.. خبينـــــى م الخفافيـــــــــــــــش
صـاحبــــــى قالـلى ....مــــــــش قلــــــــــتلـــك ماتجيـــــــــش
وأبويـــا قاللـــى ....إللـــى بتدور عليه خلاص.. بح.. مافيـش
----------
إيــــه إللـــى بيحصـــل يا مصـــــر ...وليـــــــه؟؟؟..
أخــويا قاللــى صاحبــك عنده حـــق... مصـــر الأمــانى راحـت
وضــاعـــت مــن بيـــن أيديــــه.....
يعنـــى جـــرح قــديم هايصحـــى ... وجــرح تـانـى هنبتديــه
جــاى بتطلــب منـى إيـه؟؟؟... هــــوه فاضـــل عنــدى إيـه؟؟
والجـراح فـ القلــب عايشــــه... والـلى راح مــا بيتنسيــش..
----------
إرمــى شالـك عليا يا مصـــــر ...ولا تبخليـــــــــــــــش....
أحــضنــينــــى وإسمعى صــرخــــــــــــــة ضميـــــــــرى...
أحــضنــينــــى ودوبــــى فيــــــــــــــا حنيـــنــــــــــــــــى...
جـــرحـــى كلمـــه ...وصــرخـه... والجراح ما بتنتهيـــــش..
كانــــت الكلمـــه فــــيكـــى يا مصـــــــر قبــــطيـــــــــــــه...
والورده فيكـى يا مصــر شوكهــا منزوع بأيدين المسيحيه..
قـــومــى يا مصـــر عشان الخــوف مـا يسجنـش أحـــلامنا..
قـومى وإيدك فى إيدى ننـــــــــادى بأيمان مسيحنا لكل إنسـان..
قـومى وقولى كلمة الحـق ..إللى مايقدر عليها ظالم ولا سجان..
----------
لا عمــر يا مصــرالتـوهه غلبتنـا...
ولاعــن نصـــرة المظلــوم تسكتنـا..
ولا العتمــه ف يـوم هتحـاول تفـرقنـا...
بأددددن فى مالطه يا ناس.. ولا كـلامى ده له معنــى؟؟...
----------
الضحكه حـزنانه ..والقولـه تعبانه...والحبلى حامل ف الولد..
صـرختها ف الصـدر مكتومه...سعداللـه جوزهـا إتقتـل يا بلـد.
وحنـــا ف الكشــــح ...مـــربــــوط فى شجــــره بيتــــــجــلـد..
والعــــدل أصبــــح عـــــدم ... والظــــلــــم أصبـــح أســـــد..
----------
غنــوتى ليكـــى يا مـــصـر ... وجــــوه الضلــــوع ألــم..
يا أم الكف بـدم الأقبـاط متحنـــى ......إدينـــى الأمــــل..
لا مـــــره كليــــت .....ولا نفســــى عـــرفت يـوم ملـل....
جايلـــك... يا مـــصـر.. ومهمــا الطـــريق هيطـــــــــول...
جايلــك ..وبقلبـى..ولســانى... وعافيتــــى ها أقــــــول....
هاأقـــول لسعداللـــه... وحنــا ..ومتــــى ..مصـر للمسيـح.
----------
يا مصــر ياشابـــه ...يـــاأم السبـع تـــلاف عــــــــام...
وانا الشــــــاب .....ومـــا بيـــن ضلـــــوعى زحـــام...
خــــايـف أنـــا ... وخــــوفى منـــك وفيكـــــــــــى... .
خــــايـف وأخـــــرس .. لكـــن قلبـــى مليــان كــلام.. .
----------
قوليلى يامصــر ..... . نجع حمادى و الكشـــح دى حقيقـه......ولا كـلام أوهــام؟؟..
قوليلى يامصــر ..... ...حرافيشــــك.. ..... .قتــلوا كـــام غلبـان؟؟..
والدم على أرضـك يا مصــر بيصـرخ ويسـأل فين مصر الأمان؟؟؟,...
هاصلـــيلك يا مصــــر... لجل إبتسامتـــــك تانــى هتــرجـع..
هاصلـــيلك يا مصــــر...لجل المحبه ف قلبــك تانـى هتطلـع...
هاصلـــيلك ........لجل إللــــى قلبــــه بينتـــح ســـــــواد.. .
لجل إللــى علـى المسيحــى..... دايس بأيـــده ع الزنـــاد..
----------

هاأبقــى بصــلاتى عــلامة سـلام...
هاأبقــى بصــلاتى فقســة حمــام...
وغصن الزتون إللـى ماتـت أصـوله.
ودبلـت عيـدانه ....ونشفت غيطـانه...
----------

هـاصلــى ..لجــل ما يـــروح الشيطـان إللـى طـالع مكــانه..
هـاصـلى لجــل إللــى بيدبــــح فى المسيحـــــى أخــــــوه..
هـاصـلى لجــــــل إللــــــى بيــــقتـــــــــــــل أبـــــــــوه..
هـاصـلى لجــل إللــى بيفتح بطـون الولايـا بسكين مـن حـديد...
ولا عينــــه بتـدمـــع ..ولا همـــــه صــــرخـة وليـــــد...
هـاصـلى لجــل كلــــمـة مـــوده ...دابــت تحـت الجليــد...
هـاصـلى لجــل يونـــس وزينـــب ....وحنـــا وصليــــــب...
هـاصـلى لجــل مــتى وبولـــــس....وعيشـه وعبــد الوديـد..
----------
هـاصـلى لجــل طفـل يتيم..فى إيـده لقمه .. وف عينـه دمعــه..
والخـــوف .والرعـــب ...زى الكـــلاب ساده قــدامه الطـريق..
هـاصـلى لجــل كنيســه بتتحـرق ..وإللـى يطفـى يكـون شهيـد..
هـاصـلى لجل رب أسره يايبقـــى مسلـم ..ياتهمه وكـلام تلفيـق..
هاصلــى لجـل شـــارع ...يمشـــى فيـه كـاهن بدون تهديـد...
هاصلــى لجـل مــولـــود...لســــه وليــــد...
----------
هاصلى لعاطف عزت ذكـى...إللى يمينه إتقطعت لجل مافيها صليـب
هاصلى لأبانوب وأيمن وجرجس وكل مسيحى فيك يا مصر شهيد
هاصلــى لجـل حبيبـــه فى الكشــــح ... ......ضـــاع شرفهــــــــا...
وبكــــى عليهـــــا حبيـــــــــب....
هاصلــى عشـان طفـل باكـى...عشـان حنيـــن دافــــــى... .....
عشـان حـب ييجـى يلم الحـوافى.. ويلم الشتات إللى أصبح بعيد..
هاصلــى عشــان وليـــد ..... ..غموسه يكفى. ......لحافه يدفى ..
لــجل ما دمــه يجــرى فـــى الــوريـــــــد.....
هاصلـــــيلك يــا مصـــــــــــر......
هاصلـــــيلك يــا مصـــــــــــر......
هاصلـــــيلك يــا مصـــــــــــر......

Email (will not be published)

Name

Title

Comment

Post