|
إلنحال باشا - حقوق الاقباط اغلى من الشرف مفيش وخلصت الانتفاضه
وشكل الناس سكتت
واتلمت الزيطه والزمبليطه
وكله ركن فى عشته ولا على الكورنيش
لما كنت قاعد على قهوة الواد جلال
مونون وجايب حجر الوله عزم على بسيجاره صاروخ
قلتله متشكرين يا جلال
قالى مش خساره فيك اصل
وانت راجل تمام
ربنا يخليك
خليها معاك
احتمال تحتجلها وانت طالع النهرده
عند الحجه ام جى جى
قالى : ياعم وطى صوتك فاذا بليتم اتستروا
البلوه عندنا نسترها والبراغيث نغطيها بلحاف
وطيت صوتى وشديته من لياقته المصفره
معاك حق فاتورة المزاج ؟!
ولا اسلفك ؟
حطّ ايده على جيبك وقال عمران
روح ياجلال يمشيلك السلم
ولا حد وانت طالع يقفلك على باب
ويوقفلك الميه ويزبط الوليه
وقامت الانتفاضه
وهات يا تكسير فى بيت مينا وجرجس وملاك
رميت البورى وهات يا جرى على شقتى
قفلت الباب وفتحت الشراعه اراقب اللى حصل
ونسيت لىّ بتاع البورى فى ايدى
الناس بتهتف لا اله الا الله
نصرانى مسكناه عند جى جى عدو الله
وحجات خطفوها من صيدلية زخارى ومحل جورج الغلبان
وناس بتسأل فى شقق نصاره هنا ؟
لقيت الوله جلال بيشارو على شقتى
بيقول هنا نصرانى كلعون مش تمام
انا كنت حابس نفس الدخان من الغيظ فرطت فيه
وتبت على اللى بتاع البورى وقلت فى بالى
اللى يجى يمتى هالسوعه
شوفوا النداله
شوفوا الوطايه
الواد جلال يا ما نفعته بشرا الحشيش
وياما سلفته فلوس يطلع بيها عند الحجه ام جى جى
وسبحان من عدى الانتفاضه
وسحبت فى النوم على شيزلون الصالون
وصحيت فى الليل ونزلت على قهوة جلال
لقيت وانا داخل عيون مرقبانى
حديثهم منقطعش
واحد يقول : اصحاب الانتفاضه دول مش مسلمين
وانا فى بالى بقول : همه دول المسلمين
وجلال بينادى : تؤمر يا باشا
وانا فى بالى : انت اللى كنت هتضيع حياتى
- نجيب حجر ، اسكت يا باشا الولد انقتل
فى بالى قلت : مين دا اللى انقتل حد من اصحاب الانتفاضه ؟
قال جلال : جورج انقتل !!!
قمت امشى رجلى مش شايلانى
بصيت فى العيون منها جاحده ومنها باسمه ومنها محيرانى
حلفت على رجلى تطلعنى من المكان
تايه قطع تواهى صوت الواد جلال
باشا : حساب حجر الاصطباحه اصلى فقران
قلت فى بالى : كان فى الصبح جيبه عمران
قال : اديك شايف وعارف مصاريف النهرده
طلعت جنيه وكان لى ربع جنيه
حطه فى جيبه وقالى تشكر
انت راجل تمام
قلت فى بالى : حار ونار فى جتتك
ومشيت ناحية شقتى
بصيت لورا وقلت بصوت مش واطى
جلال : انت رحت النهرده للحجه ام جى جى »
No Comments
There are no comments up to now.
» Post Comment
|
